Նшխկին բարձրաuտիճան պաշտnնյաներից մեկը Երևшնի կենտրnնում nւնի 250 шնշարժ գnւյք․ Փшշինյան

Նախկին բարձրաստիճան պաշտոնյաներից մեկը Երեւանի կենտրոնում ունի 250 անշարժ գույք, որոնց մի մասը համայնքային նշանակության փակված մանկապարտեզների տարածքներ են։ Այս մասին այսօր ասուլիսի ժամանակ ասաց ՀՀ վարչապետ Նիկոլ Փաշինյանը․

«Եթե չեմ սխալվում` իրավապահ մարմիններից մեկում հետաքննություն է ընթանում մանկապարտեզների թեմայով»,- ասաց Փաշինյանը։

Ավելի վաղ «Հետք»-ը պարզել էր, որ Հայաստանի անկախացումից հետո Երեւանի կենտրոնում փակվել է 14 մանկապարտեզ, տարածքները մասնավորեցվել են նախկին պաշտոնյաների կողմից: Փակված 4 մանկապարտեզների տարածքների սեփականատերեր են դարձել Կենտրոնի նախկին թաղապետ, Երեւանի նախկին քաղաքապետ Գագիկ Բեգլարյանի հետ փոխկապակցված անձինք, այդ թվում՝ Բեգլարյանի հայրն ու որդին։ Դատախազությունն այժմ ուսումնասիրում է հոդվածում տեղ գտած փաստերը։

«Էս թեմայի հետ կապված մի սենսացիոն տեղեկություն ստացա, հնարավոր է՝ թվերի մեջ սխալվեմ՝ մի նախկին բարձրաստիճան պաշտոնյա Երեւանի փոքր կենտրոնում ունի 250 հատ անշարք գույք: Հիմա խնդիրը ո՞րն է՝ Քրեական օրենսգրքով նայում են, եւ էնքան էլ պարզ չէ, թե զուտ ֆորմալ առումով ոնց մոտենան էդ խնդրին, որ դառնա քրեաիրավական քննարկման առարկա։ Գույքը ձեռք է բերվել այն ժամանակ, երբ էդ մարդը հայտարարագրման ենթակա չի եղել, բայց ես ասել եմ՝ պետք է գտնենք ձեւը»,- ասաց Փաշինյանը։
Աղբյուրը՝ http://www.armtimes.com/hy/article/160964

Оставить комментарий

Ваш e-mail не будет опубликован. Обязательные поля помечены *